Алматыда полиция мен ҰҚК департаментіне шабуылдан соң вокзалдарда, метро мен қоғамдық орындарда тексеру мен күзет күшейтілді. Азаттық тілшісінің хабарлауынша, Алматы-2 теміржол вокзалына адамдарды сөмкелерін түгел тексеріп кіргізіп жатыр. Вокзал маңында қарулы полиция қызметкерлері, полицияның бір "Газель" көлігі тұр.
Алматыда бүгін түске дейін белгісіз қарулы адамдар Алмалы аудандық ішкі істер бөлімі мен ҰҚК департаментіне шабуыл жасағаны хабарланған. Ресми ақпарат бойынша, шабуылдан үш полиция қызметкері мен бір бейбіт тұрғын бар.
Республикалық антитеррорлық орталық шабуылға байланысты Алматы аумағында террорлық қауіп-қатердің "қызыл" деңгейін жариялаған.