Алматыдағы Достық үйінде Холокост құрбандарын еске алатын халықаралық күнге арналған шара өтті.
Бұл шараны Қазақстандағы еврейлер ұйымдарының "Мицва" қауымдастығы мен Венгрияның Алматыдағы бас консулдығы ұйымдастырды. Жиында Холокост құрбандарын арналған фильм көрсетіп, көрме өткізді.
27 қаңтар - Холокост құрбандарын еске алу күнін БҰҰ Бас ассамблеясы 2005 жылы бекіткен. Бұл күн 1945 жылы 27 қаңтарда совет әскері Аушвиц-Биркенау (Освенцим) концлагері тұтқындарын азат еткен күнге байланысты белгіленген. Гитлерлік нацизм кесірінен 1933–1945 жылдары алты миллиондай еврей көз жұмған.