АҚШ президенті Дональд Трамп 2016 жылғы АҚШ президенті сайлауына Ресейдің ықтимал араласуы туралы істі тергеуде америкалық арнайы қызметтерге сенетінін мәлімдеді. Бұл туралы ол 12 қарашада Вьетнам астанасы Ханойда журналистерге берген баспасөз мәслихатында хабарлаған.
Трамп мұны Ресей президенті Владимир Путинге сенетіні туралы сөзіне қатысты комментарий сұраған журналистерге жауабында айтқан. Сенбі күні Трамп Ресей президенті Владимир Путиннің АҚШ-тағы сайлауға Кремльдің араласпағаны жайлы айтқанына сенетіні туралы мәлімдеген.
Бұған дейін Ақ үй басшысы Twitter әлеуметтік желісіндегі парақшасында Оңтүстік-Шығыс Азия елдері саммитінде Ресей президентімен кездескені туралы комментарий жариялаған.
Met with President Putin of Russia who was at #APEC meetings. Good discussions on Syria. Hope for his help to solve, along with China the dangerous North Korea crisis. Progress being made.
— Donald J. Trump (@realDonaldTrump) 12 ноября 2017 г.
Трамп Путин екеуі Сирия мәселесін "жақсы талқылағаны" туралы жазған. Сонымен бірге Трамп Солтүстік Кореяға қатысты дағдарысты шешуге Путиннің көмегі мен Қытайдың жәрдеміне үміт артатыны туралы да жазған.
Бұдан өзге Трамп Ресей Сирия мен Украина мәселелерін реттеуге Ресей елеулі көмек жасайды деп үміттенетінін жазған.
When will all the haters and fools out there realize that having a good relationship with Russia is a good thing, not a bad thing. There always playing politics - bad for our country. I want to solve North Korea, Syria, Ukraine, terrorism, and Russia can greatly help!
— Donald J. Trump (@realDonaldTrump) 12 ноября 2017 г.
АҚШ пен Ресей президенттері сенбі күні Вьетнамның Дананг қаласында өткен Оңтүстік-Шығыс Азия елдері саммиті барысында кездескен. Олар Сириядағы жанжалды бейбіт реттеу бойынша бірлескен мәлімдемені қуаттап, "Ислам мемлекеті" экстремистік тобын біржолата жеңгенше оған қарсы күресті жалғастыру туралы уағдаласқан.
Вьетнамдағы саммит кезінде АҚШ пен Ресей президенттері ресми екіжақты келіссөз өткізген жоқ. Оған президенттердің "жұмыс кестесінің сәйкес келмеуі" себеп болғаны хабарланды.