Испания полициясы Hermitage Capital қорының басшысы Уильям Браудерді ұстап, қайта босатты. Бұл жайында Уильям Браудер Twitter парақшасында жазды. Браудердің жазуынша, өзін Ресейдің Интерполға жолдаған сұрауы бойынша ұстаған. Браудердің айтуынша, ол Испанияға Ресейден капиталдың шығарылуы ісіне қатысты жауап беруге барған.
Good news. Spanish National Police just released me after Interpol General Secretary in Lyon advised them not to honor the new Russian Interpol Red Notice. This is the 6th time that Russia has abused Interpol in my case pic.twitter.com/ZonzXizvIJ
— Bill Browder (@Billbrowder) 30 мая 2018 г.
Уильям Браудер АҚШ пен бірнеше елде ресейлік заңгер Сергей Магнитскийдің өліміне қатысы бар және Ресейдегі адам құқықтарының бұзылуына кінәлі адамдарға қарсы санкция салатын "Магнитский заңын" қабылдауға себепші болған.
Былтыр Мәскеудің Тверь соты Браудерді "банкті қасақана банкроттыққа ұшыратып, 3 миллиардтан астам рубль салықтан жалтарды" деп айыптап, сырттай тоғыз жыл түрме жазасына кескен. Ресей бас прокуратурасы Интерполға Браудерді ұстау және экстрадициялау туралы кезекті рет сұрау салған.
Ресей соты Браудерге бірінші рет сырттай үкім шығарып отырған жоқ. 2013 жылы Браудер "Газпром" компаниясының акцияларын заңсыз иеленгені" үшін тағы сырттай тоғыз жыл түрме жазасына кесілген.