6 наурызда Павлодарда бес қабатты жатақханада болған жарылыстан бір адам қаза тауып, бір адам зардап шеккен. Бұл туралы Павлодар қалалық төтенше жағдайлар басқармасы хабарлады.
Биліктің хабарлауынша, жарылысқа не себеп болғаны әзірше белгісіз. Жатақханада тұрып жатқан отбасылар күнделікті тұрмыс қажетіне газ пайдаланбаған. Қазір төтенше жағдайлар қызметі мамандары өрттің шығу себебін тексеріп жатыр.
Жергілікті ақпарат құралдарының хабарлауынша, жатақхана маңайын полиция қоршап тұр.