АҚШ-тың мемлекеттік хатшысы Майк Помпео Иран тұрғындарын биліктің наразыларды "басып жаныштағанын" дәлелдейтін фото-видео айғақ жіберуге шақырып, Вашингтон "заңбұзушылықтар" үшін санкция салады деп мәлімдеді.
I have asked the Iranian protestors to send us their videos, photos, and information documenting the regime’s crackdown on protestors. The U.S. will expose and sanction the abuses. https://t.co/korr5p0woA
— Secretary Pompeo (@SecPompeo) November 21, 2019
"Ирандағы наразылардан режимнің протестке шыққандарды басып жаныштағанын дәлелдейтін фото, видео және өзге де ақпарат жолдауын сұрадым. АҚШ [ол деректі] жариялап, сол үшін санкция салады" деп жазды Помпео 21 қарашада Twitter-дегі парақшасында. Ол жазбасын ағылшын және парсы тілінде жазған.
Бензин бағасының қымбаттауы мен жанар-жағар май тапшылығынан туындаған наразылықты басу үшін қатаң күш қолданған Иран билігін бұған дейін халықаралық ұйымдар айыптаған.
БҰҰ-ның адам құқығы жөніндегі жоғарғы комиссар басқармасы жариялаған дерекке сәйкес, полициямен қақтығыс кезінде "ондаған адам қаза тауып, жараланған болуы мүмкін". Халықаралық Amnesty International құқық қорғау ұйымы Иранның түрлі аймағында жалпы саны 106 адамның өлгені туралы дерек барын хабарлаған.