ДАИШ ("Ислам мемлекеті") террористік тобының жаңа жетекшісінің аты-жөні Әмір Мұхаммед Әбдел Рахман әл-Мауль деп хабарлады арнайы қызмет дерегіне сүйенген британдық Guardian басылымы.
#BREAKING The Guardian has revealed the profile of the new #ISIS leader - Amir Mohammed Abdul Rahman al-Mawli al-Salbi, one of its forefathers, who was responsible for the Yazidi enslavement pic.twitter.com/tEMm4NjShn
— Guy Elster (@guyelster) January 20, 2020
Басылым оны ДАИШ-тің негізін қалаған ұйым идеологтарының бірі деп атайды. Газеттің жазуынша, Әмір Әбдел Рахман ұйымның бұрынғы жетекшісі Әбу Бәкір әл-Бағдади өлтірілгеннен кейін бірнеше сағаттан кейін ұйымды басқаруға кіріскен. Әл-Бағдади өткен жылы қазан айының соңында Сирияның Идлиб провинциясында АҚШ-тың арнайы операциясы кезінде қаза тапқан. АҚШ билігі әл-Мауль мен террористік топтағы өзге жетекшілерді ұстауға мүмкіндік беретін ақпарат үшін бес миллион доллар көлемінде сыйақы тағайындады.
Оқи отырыңыз: Террор топтың жетекшісі әл-Бағдадидің денесі теңізге лақтырылды
Газеттің жазуынша, Иракта тұратын түркімен отбасынан шыққан Әмір Мүхаммед Әбдел Рахман әл-Мауль ұлты араб емес ДАИШ-ті басқаратын санаулы жетекшілердің бірі. 2004 жылы Америка әскерилерінің қолына түсіп, Ирак оңтүстігіндегі түрмеге қамалған. Сол жақта әл-Бағдадимен кездескен.
Арнайы қызмет өкілдері террористік топ жетекшісінің нақты қайда екенін білмейді. Болжам бойынша, ол Ирактың Мосул қаласының батысындағы кішігірім қалалардың бірінде жасырынып жүрген болуы мүмкін.