"Екі үлкен кісіні сынама деген тапсырманы орындамадым". Билікті сынап, айтыстан шеттетілген ақын

Қытайдан 2008 жылы Қазақстанға көшіп келген айтыс ақыны Саягүл Бірлесбек қазір сахнадан шеттеп қалған. Сөзінше, екі жыл бұрын Атыраудағы айтыста "қос президент Назарбаев пен Тоқаевты сынамаңдар" дейтін тапсырманы "орындамай" ұйымдастырушылардың қырына іліккен. "Шындық айтылмайтын додаға қатысудың мәні жоқ" деген айтыскер өз пікірін YouTube пен Instagram парақтарында жариялап жүр.