Германияның оңтүстігіндегі Бавария аймағының Вюрцбург қаласында пышақ ұстаған біреу көшеде кетіп бара жатқан адамдарға тап беріп, үш кісіні өлтіріп, бірнешеуін жаралаған.
130 мыңға жуық адам тұратын қаладағы қанды оқиға жұма күні түстен кейін болған.
Aktuell größerer Polizeieinsatz in #Würzburg. Teile um den Barbarossaplatz sind gesperrt. Bitte diesen Bereich meiden. Weitere Informationen folgen. pic.twitter.com/SGNp2zPagM
— Polizei Unterfranken (@PolizeiUFR) June 25, 2021
Bild басылымының жазуынша, полиция күдіктіні аяғынан атып жаралап, тұтқындаған. Полиция Сомалиде туып-өскен 24 жастағы адамның ұсталғанын хабарлады. Көшедегі жұрт оған орындық лақтырып, тоқтатпақшы болған.
Әлеуметтік желіде тараған видеода қолына үлкен пышақ ұстап, бетіне масқа таққан жалаңаяқ ер адамның көшедегі ары-бері өтіп жатқан жұртқа ұмтылғаны көрінеді.
This guy killed 3 people in Würzburg an injured 6 more with a knife ...He was first attacked with chairs and stones by brave bystanders and later shot (in the leg) by special police forces.https://t.co/3ckgRSZ15E pic.twitter.com/eTcFTaZxVK
— Julian Röpcke (@JulianRoepcke) June 25, 2021
Күдіктінің мұндай іс-әрекетке не себептен барғаны әзірге белгісіз. Билік бұл адамның психиатриялық ем қабылдағанын, зомбылыққа бейім екенін хабарлаған. Полицияның дерегінше, күдікті бұрын сотталған.