Ресей басқыншылық жасаған жағдайда Америка Украинаға әскер жібермейді, себебі бұл ел НАТО-ға мүше мемлекет емес деп мәлімдеді АҚШ президенті Джо Байден.
"Ресей Украинаға басып кірген жағдайда, Құрама Штаттар біржақты шешім қабылдап, әскерін жібереді деген мәселе жоқ. Бізде НАТО одақтастарының алдында моральдық тұрғыдан және заңдық тұрғыдан жауапкершілігіміз бар", - деп мәлімдеді Байден сәрсенбі күні Ақ үйде журналистер сұрағына жауап берген кезде.
Байден 7 желтоқсанда Ресей президенті Владимир Путинмен телефон арқылы екі сағатқа созылған әңгімесі жөнінде де айтты. Ол Путинге егер Украинаға қарсы операция бастайтын болса, Ресей бұрын-cоңды болмаған экономикалық қиындықтарға тап болатынын ескерткен. Байден "Путин бұл сөзімді қабылдады" деген сенімде.
Владимир Путин сәрсенбі күні Джо Байденмен телефон арқылы әңгімесіне пікір білдірді. Ол Мәскеу Украинаны Солтүстікатлантикалық одаққа мүше ретінде қабылдау мүмкіндігіне алаңдайтынын жеткізген.
Мәскеу Украинаға басып кіру жоспарында жоқ екенін айтып келеді.
ОҚИ ОТЫРЫҢЫЗ
Украина түбінде Ресей әскері көбейді. Батыс газеттері соғыс болуы мүмкін дейдіЗеленский "Украинада төңкеріс жасау жөнінде сөйлескен" ресейліктердің аудиосы қолына түскенін мәлімдеді АҚШ Демократияны қолдау саммитіне 100-ден астам елді шақырды. Тізімде Қазақстан жоқ