Тәжікстан парламентінің төменгі палатасы "Зарафшон" тәжік-қытай компаниясын салықтан босату жөнінде үкімет ұсынысын қолдады.
Бұл компания елдің солтүстігінен алтын мен мыс өңдеп шығаратын металлургия зауытын салуды жоспарлап отыр.
Келісімге сәйкес, құрылысқа Тәжікстан 117 млн доллар бөлсе, қытайлықтар қалған 70 пайызын төлейді. Құрылыс 2023 жылға қарай аяқталуы тиіс. Кәсіпорын жылына 165 мың тонна концентрат өңдейді деп жоспарланған.
Осыған дейін Пенжикент тұрғындары аймақтың экологиясын бұзады деп зауыттың салынуына қарсы болған. Парламент депутаттары зауыт өкілдерін экологиялық тазалықты барынша сақтауға шақырды.
Тәжікстанда тау-кен саласында қытай компаниялары басым. "Зарафшон" компаниясының 75% акция пакеті қытайлық Zijin Mining Group Co. Ltd компаниясына тиесілі.
ОҚИ ОТЫРЫҢЫЗ
Тәжікстан өз аумағында Қытай базасын салуды мақұлдады. Оның шарты қандай?Тәжікстанда Қытайдың құпия әскери базасы бар. Пекиннің көздегені не?"Босбелбеу дипломатия". Он жыл бұрын Тәжікстан Қытайға қалай жер берді?