Бүгін, үкімет отырысынан кейін журналистер сұрағына жауап берген ауыл шаруашылығы министрі Ербол Қарашөкеев Қазақстанда қанттың не себептен қымбаттағанын түсіндірді.
Министрдің сөзінше, қанттың қымбаттағаны Қазақстанға емес, әлемдегі бағаға байланысты.
- Қант - биржа тауары. Сондықтан қант бағасы биржадағы саудаға тәуелді. Мысалы қант құрағының бағасы Лондон биржасында, қант бағасы Нью-Йорк биржасына анықталады. Қазір қант бағасының қымбаттағаны әлемдік тенденция болып тұр. Сол себепті зауыттарымызда да баға көтерілді,- деді ол.
13 мамырда ауыл шаруашылығы министрлігі 6 айға дейін қант экспорттауға тыйым салған еді.
Қарашөкеевтің бүгінгі сөзіне қарағанда, Қазақстан жылына небәрі 2-3 мың тонна ғана қант экспорттайды.
- Азын-аулақ экспортымызды өзімізде қалдырайық дедік. Өйткені Қазақстанның шекара аймағында көршілес елдерге қарағанда қант арзандау болып тұр,- деді ол.
2021 жылы Қазақстан 506,9 мың тонна қант және құрақ қантын шетелден сатып алған. Оның жартысынан астамы яғни, 275,8 мың тоннасы Ресейден әкелінген.
Биыл 24 ақпанда Украинаға басып кіруіне байланысты Батыс елдері Ресейге түрлі санкция салуды бастағанда Ресей үкіметі азық-түліктің кей түрінің экспортын шектеген. Наурыз айынан бастап Қазақстанда қант күрт қымбаттап, келісі 600 теңгеден асқан.
Қазақстан қантты Беларусь, Бразилия мен Мексикадан да импорттайды.
ОҚИ ОТЫРЫҢЫЗ
Ресей Украина астығын теңіз жолымен шығаруға бөгет қойып, одан тартып алған астықты сата бастады"ЕАЭО-дан шығу керек". Билік азық-түлік қауіпсіздігін қамтамасыз ете ала ма?Экспорт шектеудегі мүдделер қайшылығы. Қазақстан бидайы қай диірменге барады?