Футболдан биыл жазда өтетін әлем чемпионатына жолдама алған тағы төрт ел белгілі болды. Еуропа құрлығындағы қосымша іріктеу жарысында Түркия, Босния және Герцеговина, Чехия, Швеция жеңіске жетіп, әлем кубогына лицензия иеленді.
Түркия құрамасы Косовоны 1:0 есебімен жеңді. Осылайша Түркия құрамасы араға 24 жыл салып, әлем чемпионатында ойнайды. Түркия 2002 жылы әлем кубогында қола медаль иеленген еді, кейін әлем чемпионаттарына лицензия иелене алмады.
Босния және Герцеговина құрамасы пенальти сериясынан Италияны жеңіп, екінші рет әлем чемпионатына (2014 жылы қатысқан) жолдама иеленді. 2006 жылғы әлем чемпионы Италия 2018, 2022 және 2026 жылғы әлем чемпионатына лицензия ала алмады.
Ал Чехия өз алаңында пенальтиден Данияны, ал Швеция Польшаны 3:2 есебімен жеңді.
Сонымен әлем кубогына қатысатын 48 елдің 46-cы белгілі. Тағы екі жолдама Ирак – Боливия, Конго демократиялық республикасы – Ямайка арасындағы матчта анықталады.
Әлем чемпионаты биыл 11 маусым – 19 шілдеде АҚШ, Канада, Мексикада өтеді.
Әлем біріншілігінің топтары
A-тобы: Мексика, ОАР, Оңтүстік Корея, Чехия
B-тобы: Канада, Швейцария, Катар, Босния және Герцеговина
C-тобы: Бразилия, Марокко, Гаити, Шотландия
D-тобы: АҚШ, Парагвай, Австралия, Түркия
E-тобы: Германия, Кот-Д’Ивуар, Эквадор, Кюрасао
F-тобы: Нидерланд, Жапония, Тунис, Швеция
G-тобы: Бельгия, Иран, Египет, Жаңа Зеландия
H-тобы: Испания, Кабо-Верде, Уругвай, Сауд Арабиясы
I-тобы: Франция, Сенегал, Норвегия, Ирак/Боливия
J-тобы: Аргентина, Алжир, Австрия, Иордания
K-тобы: Португалия, Өзбекстан, Колумбия, Ямайка/Конго ДР
L-тобы: Англия, Хорватия, Панама, Гана.