9 мамырда Мәскеуде Қызыл алаңдағы парадқа ұзақ жылдардан бері алғаш рет әскери техника қатыстырылмайды. Бұл жөнінде 28 сәуірде Ресей қорғаныс министрлігі хабарлады.
"Қазіргі жедел жағдайға байланысты биыл Суворов және Нахимов әскери училищелерінің, кадет корпусының және әскери техника легінің студенттері әскери шеруге қатыспайды" деп жазылған ведомство хабарламасында.
Министрліктің "жедел жағдай" деп нені айтып отырғаны түсініксіз. Ресей аумағына күн сайын украин дрондары шабуыл жасайды. Олардың саны мен соққы жасау деңгейі алдыңғы жылдармен – Мәскеуде жыл сайын парадтар өтіп жүрген кездегімен салыстырғанда әлдеқайда ілгерілеген.
Ресей қорғаныс министрлігінің хабарлауынша, парадта жаяу жүргіншілер сабына Ресей қарулы күштерінің барлық жоғары оқу орындарында оқитын әскери қызметкерлері қатыспақ. Ал "арнайы әскери операция аумағында тапсырма орындайтын" қарулы күштердің жұмысы парад кезіндегі трансляция арқылы көрсетілмек. Бұған қоса, ұшқыштар тобы да әуеде тапсырмалар орындамақ.
Бұған дейін бірқатар сарапшы әдетте Мәскеуде сәуірдің аяғында болатын әскери парадқа дайындық биыл байқалмайтынын хабарлаған еді. Украина шабуылына байланысты парадтың өтпейтіні немесе едәуір шектелуі мүмкін деген де болжам айтылған. Кремльдің баспасөз хатшысы Дмитрий Песков парад өтетінін айтты.
Биыл Екінші дүниежүзілік соғыста жеңістің 81-жылдығы атап өтілмек. Былтыр мерейтойға 10 мыңнан астам ресейлік техника қатысқан еді. 1.5 мыңы Украинадағы соғысқа қатысқан. Өзге елдерден де келгені бар. Парадқа шамамен 200 әскери техника қатысты.
Ресейде 9 мамырда парадтар постсоветтік кезеңде Борис Ельцин басқарған тұста тұрақты түрде өте бастаған. Путин президенттікке келгеннен кейін әскери техникалар да қатысты. Ал парадтардың өзі совет кезінде 7 қараша өтетін әскери парадтарға ұқсай бастады. Биыл Мәскеудегі парадқа әзірге Беларусь басшысы Александр Лукашенко ғана қатысатынын растады. Словакияның премьері Роберт Фицо Мәскеуге келмек, бірақ парадқа қатыспайды.