Украина әскері 3 қазанда кешке Ресейдің Белгород қаласы мен облысына соққы жасады, бір адам қаза болып, бірнеше адам жарақаттанды. Бұл жөнінде Белгород облысының губернаторы Александр Шуваев хабарлады. Биліктің айтуынша, тағы бір адам Грайворон қаласында қаза болған. Биліктің мәліметінше, соңғы тәулікте Белгород, Грайворон және Шебекин аумақтарында 12 адам зардап шеккен, 4-і - бала.
Жедел штаб өкілдерінің хабарлауынша, Белгородта 7 көп қабатты және 30 жерүй бүлінген, алты көлік өртенген.
"Пепел" басылымы басқа дерек келтіреді – оның мәліметінше, екі көп қабатты үй мен бес жерүй зардап шеккен. Дрон құлағаннан кейін үйлердің бірінен өрт шыққан.
Брянск облысының губернаторы Егор Ковальчук дрон шабуылы салдарынан төрт адам жарақаттанғанын айтты.
Украинаның мониторинг арналары Украина әскері Майкоп (Ад) әуежайына және Ресейдің өзге аумақтарына соққы жасағанын хабарлады. Украина жағының түсіндіруінше, сол жақтан Украинаға дрондар ұшырылған. Адыгей билігі аумақта 28 украин дроны жойылғанын хабарлады. Ешкім азардап шекпеген, бірнеше үй бүлінген. Әскери аэродромдағы жағдайға Украина билігі түсініктеме бермеді.
Ресей қорғаныс министрлігі бір түнде 559 дрон атып түсірілгенін хабарлады. Мұны растайтын тәуелсіз дереккөз әзірге табылмады.