Қазақстан Үкіметі Дүниежүзілік банкпен бірлесіп инвестиция және инфрақұрылым салалары бойынша жұмыс істеуге қызығушылық танытып отыр.

Бұл туралы қарашаның 11-інде Дүниежүзілік банктің Қазақстандағы тұрақты өкілі Лу Брефор журналистермен кездесуінде мәлімдеді. Сонымен бірге, Лу Брефор Қазақстан мен Дүниежүзілік банк болашақта ауыл шаруашылығы және экология салалары бойынша да ынтымақтастықта жұмыс жасауды жоспарлап отырғандықтарына тоқталып, аталған салаларға қатысты толық бағдарламалар алдағы айларда талқыланатындығын айтты.