АҚШ мемлекеттік хатшысы Кондолиза Райстың сенбі күні айтуынша, Израиль әскери күштерін Газа аймағынан алып шығып кету мәселесін Палестина мен Израиль өзара үйлестіріп шешулері тиіс

Сенбі күні Райс ханым Палестина жетекшісі Махмұд Аббаспен Рамаллада кездесті. Келіссөздерден кейінгі баспасөз мәслихаты кезінде Райс екі ел бейбіт жолмен Израильдің әскерін тамыз айында алып шығып кетуді өзара келісіп шешулері тиіс деді. Бүгін Райс ханым Израиль бас министрі Ариель Шаронмен кездеспек.