Өзбекстанда “Әндіжан қырғынына” алып келген наразылық шерулердің басталғанына бүгін бір жыл толды

Ресми Ташкент Әндіжан оқиғасында 187 адам қаза тапты, олардың көбі терроршылар дейді. Бірақ адам хұқықтарын қорғаушы халықаралық ұйымдар мен куәгерлер құрбан болғандардың саны одан да көп болды дегенді айтып отыр. Мамырдың 12-сі мен 13-і күндері хұқық қорғаушылар Әндіжан қырғынын атап өту үшін Мәскеу, Киев, Лондон, Брюссель және Бішкек қалаларында шерулер ұйымдастырмақшы. Соңғы хабарларға қарағанда, премьер-министр Тони Блэр Британия адам хұқықтары жағдайын жақсарту мақсатында Өзбекстан билігіне қысым көрсетуін жалғастыра береді деп мәлімдеді.