Қырғызстан парламенті сенбі күні осыдан бір ай ғана бұрын қабылданған елдің жаңа Конституциясына түзетулер енгізді

Ол өзгертулер президенттің құзырын күшейтуге бағытталған. Қырғыз президенті Құрманбек Бакиев сенбіде Парламентте жолдау жасады, одан соң Қауіпсіздік кеңесімен төтенше мәжіліс өткізді. Дегенмен Қауіпсіздік кеңесінің жиналысында қырғыз Жогорку Кенешінің тағдыры туралы шешім қабылданған жоқ. Ал премьер-министр Феликс Кулов пен оның үкіметі өткен аптада отставкаға кеткен болатын.