Адамды сатуға бөгет қоя алмаған елдердің “қара тізімінде” Өзбекстан да жүр

ВАШИНГТОН: АҚШ-тың мемлекеттік департаментінің мәлімдеуінше, адамның саудасымен, оның ішінде, негізінен, әйелдерді жезөкшелікпен айналысуға мәжбүрлеу және балаларды қара жұмысқа шет елдерге сатуға қарсы жеткілікті күресе алмаған елдердің қатарына Өзбекстан, Иран, Саудия, Куба, Сирия және Солтүстік Корея кіреді. Адамның саудасына қарсы жеткілікті күрес жүргізбеген елдердің “қара тізіміне” Бахрейн, Кувейт, Оман және Қатар сынды АҚШ-тың одақтастары да кіріп отыр. “Қара тізімге” алынған елдерге АҚШ-тың жаза қолдануы мүмкін, оның ішінде АҚШ-тың қаржылай және т.б. көмегінен айрылуы ықтимал.