Босния соғысының 5 қылмыскері сотталды

1992-1995 жылдардағы бұрынғы Югославиядағы соғыс кезінде Зворник қаласындағы мұсылман тұтқындарды азаптағаны үшін Сретен Лазаревич 10 жылға түрмеге жабылды. Осы тектес қылмысы үшін Драган Станойевич 7 жылға, ал Миле Маркович пен Слободан Остойич бес жылға сотталды.
Қарапайым мұсылман азаматтар мен тұтқындарды азаптағанын мойындаған Босния-хорват солдаты Славко Сакич сегіз жарым жылға бас бостандығынан айрылды.