Ирақ астанасындағы жанкештілік шабуылдардан кемінде 11 адам қаза тауып, 31 кісі жараланды. Бұл жарылыстар бүгін шииттердің екі мешітінде болған. Полицияның хабарлауынша, бір жанкешті адам Зафрания ауданындағы мешітте өзін-өзі жарып жіберген, соның салдарынан 7 адам қаза тапқан. Ал Балад ауданындағы мешітте болған шабуылдан 4 адам мерт болып, ондаған кісі жарақат алды деп хабарланып отыр.