Клинтон: "Талибанмен" бітімге келу әйелдер құқығына әсер етпеуі тиіс

АҚШ мемлекеттік хатшысы Хиллари Клинтонның мәлімдеуінше, ауған үкіметі мен "Талибан" арасындағы кез келген бітім әйелдердің құқықтарына әсер етпеуі тиіс. Клинтон бейсенбі күні Вашингтонда ауған делегациясымен, оның ішінде еңбек және әлеуметтік мәселелер министрі Амина Афзалимен, денсаулық сақтау министрі Сурая Далилмен кездескен болатын.

Клинтон әйелдердің білім алуына, әйелдердің экономика саласындағы ролін күшейтуге және оларды зорлық-зомбылықтан қорғауға көмектесуге уәде етті.