Израиль зымыран шабуылынан кейін Газаға соққы берді

Израиль соғыс ұшақтары Палестина жауынгерлері зымыранмен атқылаған соң, Газа қаласының оңтүстігіне соққы берді.

Палестиналық дәрігерлердің айтуынша, жерасты жолдарына жасалған шабуылдан бір адам жеңіл жараланған.

Сенбі күні кешкісін Газа жауынгерлері Израилге екінші рет зымыран шабуылын жасады. Ол соққыдан университет ғимараты бүлініп, бірақ ешкім жапа шекпеген.