Әскерден қашқан сарбаздар ұсталды

Ақтауда күзет бекетін тастап қашып кеткен екі сарбаз ұсталды деп хабарлады бас әскери прокуратураға сілтеген "Интерфакс-Қазақстан" агенттігі.

Әскери прокуратура таратқан хабарламада кеше Ақтау қаласында "ҚазМұнайГаз" компаниясына тиісті нысанды күзетіп тұрған жерінен қашып кеткен әскери қызметін өтеуші екі сарбаздың ұсталғаны айтылады. Олар өздеріне берілген қаруларын да ала кеткен.

Бұл оқиға бойынша тексеру жүргізіліп, қылмыстық іс қозғау мәселесі қарастырылып жатыр.