Accessibility links

Алматыда бір топ жұмысшы жалақысын талап етті


29 қаңтарда Алматыда "Аяз" құрылыс компаниясымен келісім-шарт бойынша жұмыс істейтін 9 жұмысшы жалақылары уақытында төленбегенін айтып наразылық білдірді.

"Алдымыз алты айдың жалақысын ала алмай жүрміз. Тіпті маусым айына дейін істеп, жалақысын ала алмай жұмыстан шығып кеткендер де бар. Арасында 5-10 мың теңге аванс беріп қояды" дейді өзін Мэлс Қасымбайұлы деп таныстырған жұмысшы.

Компания тапсырысы бойынша түрлі құрылыс жұмыстарын атқаратынын айтқан жұмысшылар "жалақымызды алмағанымызға алты ай болды" деп шағымданды. Жұмысшылар мекеме кеңсесі алдына жиналып, басшылығымен кездеспек болғанымен, ешкімге жолыға алмады.

Наразылық танытып тұрған жұмысшылармен телефон арқылы сөйлескен компания өкілі: "Ақшаларың ертең төленеді, қазір қаржы жоқ" деп жауап берді.

Жұмысшылар жалақылары төленбесе, прокуратураға шағымданатындарын айтады.

"Аяз" құрылыс компаниясы басшылығы Азаттыққа бұл оқиға жайлы мәлімет беруден бас тартты.

  • 16x9 Image

    Нұртай ЛАХАНҰЛЫ

    Нұртай Лаханұлы. 1973 жылы дүниеге келген. 1998 жылы әл-Фараби атындағы қазақ ұлттық университетінің филология факультеті бойынша тәмамдаған.  «Қазақстан-Заман» газеті мен «Қазақ радиосында» қызмет еткен. 2010 жылдан бері Азаттық радиосында  жұмыс істейді.

XS
SM
MD
LG