Accessibility links

ИМ 200-ден астам христианды ұстап әкеткен


Сирияда жүрген күрд еріктілері. 25 ақпан 2015 жыл. (Көрнекі сурет)

Сирияда жүрген күрд еріктілері. 25 ақпан 2015 жыл. (Көрнекі сурет)

Сириялық белсенділердің мәлімдеуінше, "Ислам мемлекеті" (ИМ) экстремистік ұйымы соңғы үш күнде 220-дан астам ассириялық христианды тұтқындап алып кеткен.

Ұлыбританиядағы Syrian Observatory for Human Rights ұйымы "ИМ үш күн бойы Сирияның солтүстік-шығысындағы христиандар тұратын ондаған ауылға тінту жасап, шіркеулер мен үйлерді өртегенін" мәлімдеді.

"Сирия ұлттық кеңесі" христиан ұйымы дерегінше, жүздеген христиан Әл-Хасеке провинциясының ірі қалаларына қашып кеткен. Ассириялық христиандар мен күрдтердің ИМ-мен соғысып жатқаны да айтылды.

АҚШ ИМ-нен тұтқындалған ассириялық христиандарды босатуды талап етті.

Соңғы уақытта ИМ Сирия мен Ирактағы діни азшылық топтар мен "халифат" заңына бағынбаған сүнниттерді өлтіруді және тұтқындауды жиілеткен.

XS
SM
MD
LG