Алматыда жер қазу жұмыстары кезінде үш адам топырақ басып мерт болды деп хабарлады қалалық төтенше жағдайлар департаменті.
Департамент ақпаратына қарағанда, оқиға 24 қараша күні кешке қарай Әуезов ауданы Сәдуақасов көшесіндегі 2-үйдің жанында жер қазу жұмыстары кезінде болған.
Үйінді астынан үш адамның денесі шығарылған. Бір адамның кім екені анықталмаған.
Құтқару жұмыстарына төтенше жағдайлар қызметінің 21 қызметкері мен төрт техника қатысқан.