Ұлыбритания полициясы 29 жастағы ер адамды Лондон метросындағы Лейтонстоун станциясында үш адам жараланған пышақ шабуылына күдікті ретінде тергеп жатыр. Полицияның мәлімдеуінше, 5 желтоқсан күні кешке станцияда пышақпен жасалған шабуыл "террорлық оқиға" деп қарастырылып отыр.
Билік шабуылды видеоға түсіріп алған куәгерлерді видеоларын полициямен бөлісуді сұрайды. Кейбір мәліметтер бойынша, күдікті шабуыл кезінде "Бұл - Сирия үшін" деп айқайлаған. Шабуылдан бір адам ауыр жараланып, екі адам жеңіл жарақат алған.
3 желтоқсанда Ұлыбритания Сириядағы "Ислам мемлекеті" экстремистік ұйымына қарсы әуе шабуылдарын бастаған. Елде террорлық қауіп деңгейі әлі жоғары күйде тұр.
