Accessibility links

Ауыр атлет Горичева - олимпиаданың қола жүлдегері


Карина Горичева Рио олимпиадасында. Рио-де-Жанейро. 9 тамыз 2016 жыл.

Карина Горичева Рио олимпиадасында. Рио-де-Жанейро. 9 тамыз 2016 жыл.

Ауыр атлетикадан әйелдер арасында 63 килограмға дейінгі салмақ дәрежесінде қазақстандық ауыр атлет Карина Горичева қола медаль иеленді, көрсеткіші - 243 килограмм. Ол жұлқа көтеруде 111 килограмды, серпе көтеруде 132 килограмды еңсерді.

Күміс жүлделі Хью Сим Чойдың (Солтүстік Корея) нәтижесі - 248 кг (105+143). Алтынды үш дүркін әлем чемпионы қытайлық Дэн Вей алды. Ол 262 килограм (115+147) көтеріп, әлем рекордын жаңартты. Бұрынғы 261 килограмдық рекорд тайпейлік Лин Цу Шиге тиесілі болған. Ол бұл рекордты Инчондағы (Оңтүстік Корея) Азия ойындарында орнатқан еді.

Бұл - Қазақстанның Риодағы төртінші медалі. Осыған дейін дзюдошылар Елдос Сметов - күміс, Галбадрах Отгонцэцэг - қола, тағы бір ауыр атлет Фархад Харки қола медаль жеңіп алған.

  • 16x9 Image

    Руслан МЕДЕЛБЕК

    1990 жылы 4 қаңтарда дүниеге келген.

    Қазақ ұлттық университеті журналистика факультетін "Халықаралық журналистика" мамандығы бойынша тәмамдаған.

    Халықаралық спорт журналистері қауымдастығы мен Халықаралық олимпиада комитетінің жас репортері.

    "Спорт", "Қазақ спорты" газеттерінде, "Алматы" телеарнасында журналист-репортер болған. 2012 жылдан бері "Азаттық" радиосының тілшісі. Сочи - 2014 қысқы және Рио - 2016 жазғы олимпиада ойындарынан тікелей хабар таратты.

    Автормен оның Facebook парақшасында да пікірлесуге болады.

XS
SM
MD
LG