Жексенбі, 20 сәуір 2014, Алматы 09:19


ҚАЗАҚСТАН

Жаңаөзендегі мұнайшылар наразылығы жалғасуда, ал Ақтауда арнайы штаб құрылған

Өткен аптадан бері ереуілдеп жатқан жұмысшылардың басшылыққа қойған талаптары әзірге тек ішінара ғана орындалды. Облыстық әкімшілік мұнайшылар мәселесімен айналысатын арнайы штаб құрылды десе, қала әкімі телефонмен түсінік бермейді.

Жалақыға қосымша төленетін аймақтық коэффициентті қалдыруды талап еткен «Өзенмұнайгаз» өндірістік филиалының жұмысшылары жұмысты тоқтатып ереуілге шықты. Жаңаөзен, Маңғыстау облысы. 4 наурыз 2010 жыл. Жеке мұрағаттағы сурет.Жалақыға қосымша төленетін аймақтық коэффициентті қалдыруды талап еткен «Өзенмұнайгаз» өндірістік филиалының жұмысшылары жұмысты тоқтатып ереуілге шықты. Жаңаөзен, Маңғыстау облысы. 4 наурыз 2010 жыл. Жеке мұрағаттағы сурет.
x
Жалақыға қосымша төленетін аймақтық коэффициентті қалдыруды талап еткен «Өзенмұнайгаз» өндірістік филиалының жұмысшылары жұмысты тоқтатып ереуілге шықты. Жаңаөзен, Маңғыстау облысы. 4 наурыз 2010 жыл. Жеке мұрағаттағы сурет.
Жалақыға қосымша төленетін аймақтық коэффициентті қалдыруды талап еткен «Өзенмұнайгаз» өндірістік филиалының жұмысшылары жұмысты тоқтатып ереуілге шықты. Жаңаөзен, Маңғыстау облысы. 4 наурыз 2010 жыл. Жеке мұрағаттағы сурет.
Мәтін көлемі - +

«70 ПАЙЫЗ АЙМАҚТЫҚ КОЭФФИЦИЕНТТІ БҰЛДАУДЫҢ ҚАЖЕТІ ШАМАЛЫ»


Жұмысшыларды көлікпен алып кететін автобекетке жиналған мұнайшылар наурыздың 4-нен бері тарқамай отыр. «Өзенмұнайгаз» өндірістік филиалының «Мұнайгаз өндіру басқармасы-3» операторы Естай Қарашаевтың айтуынша, автобекетті полиция қызметкерлері айналдыра қоршап алған. Жұмысшылардың арасында бірге жүрген «Қазмұнайгаздың» арнайы жұмыс киімін киген құқық қорғау органдары қызметкерлері жағдайды тікелей бақылауда ұстап отыр деп хабарлады ол Азаттық тілшісіне.

Мұнайшылар талап еткен экологиялық зардап үшін берілуге тиісті аймақтық коэффициент өзгеріссіз қалғанымен бұл наразылық білдірушілердің көңілін көншіте қойған жоқ. Өйткені, аймақтық коэффициент міндетті төлем деп түсіндіреді «Жөндеу» ЖШС кәспіодақ
«Өзенмұнайгаз» өндірістік филиалының жұмысшылары жұмысты тоқтатып ереуілге шықты. Жаңаөзен, Маңғыстау облысы. 4 наурыз 2010 жыл. Жеке мұрағаттағы сурет.
ұйымының төрағасы Ыхылас Шаңгереев. Себебі, Жаңаөзеннің экологиялық ахуалын сөзбен жеткізуге келмейді.

- Жаңаөзенде ешнәрсе өспейді. Мұнда барлық заттар тек шеттен тасымалданады. Жаздың 50 градус аптабын, қыстың боранды аязы мен қаладан бір жарым ғана шақырым жерден басталатын, кейбірі алаң ашық жатқан мұнай ұңғымаларын ескерсе, 70 пайыз аймақтық коэффиценті бұлдаудың қажеті шамалы. Жұмысшылар бұл әңгіме енді көтерілмеу үшін оны заңдастыруды және 2009 жылдан бері берілмей келе жатқан 1,8 «салалық» коэффициенті де талап етіп отыр, - дейді ол.

Сондықтан мұнайшылар «Қазмұнайгаз» ҰК президенті Қайыргелді Қабылдин мен Маңғыстау облысының әкімі Қырымбек Көшербаевтың атына ашық хат жазып отырғандарын айтады. Бұл ашық хатта Қазақстан президентінің кезекті жолдауында көрсетілген адамдардың өмірінің сапасын арттыру жайлы нұсқаулардың көзге ілінбей отырғанына сілтеме жасалған екен.

Олар мұнайшылардың құқығын таптаған «Қазмұнайгаз» Барлау Өндіру акционерлік қоғамы мен «Өзенмұнайгаз» өндірістік филиалы басшыларын кінәлі деп санайтындықтарын айтқан. Сол себепті «Өзенмұнайгазға» оның 1997 жылғы акционерлік қоғам мәртебесін қайтарып беруді сұрап отыр. Оның үстіне «Қазмұнайгаз» Ұлттық Компаниясы құрамына тікелей қарасақ жағдайымыз жақсарады деп санайтындықтарын да жасырмайды.

Бұған дейін наурыздың 6-сында «Қазмұнайгаз» Барлау Өндіру акционерлік қоғамының баспасөз қызметі «Өзенмұнайгаз» өндірістік филиалы жайлы ресми ақпарат таратқан еді. Онда «Жұмысшылар талап етіп отырған аймақтық коэффицентті бөлек төлеу Қазақстан заңдарында қарастырылмаған. Сондықтан ол жалақыға қосылғанымен, жұмысшылардың орташа жылдық табысы 1-3 пайызға артқан» деген түсініктеме берілген.

«ӨЗЕНМҰНАЙГАЗ» АКЦИЯЛАРЫ ЛОНДОН БИРЖАСЫНА ШЫҒАРЫЛҒАН

Бұдан бөлек соңғы кезде ел арасына тарап кеткен «Өзенмұнайгаз» акцияларының бір бөлігі Қытайға сатылған деген қауесет те ел көңілін алаңдатулы деп баяндайды жұмысшылар.

Оператор Естай Қарашаевтың сөзіне сүйенсек, жергілікті «Ақтау-Өзен» телеарнасынан «Өзенмұнайгаз» өндірістік филиалы директоры
«Өзенмұнайгаз» жұмысшыларының ереуілі. Жаңаөзен, Маңғыстау облысы. 4 наурыз 2010 жыл. Жеке мұрағаттағы сурет.
Б.Бисекен ресми мәлімдеме жасап, компания акциясының Қытайға сатылатын жайлы ақпардың қаңқу сөз екенін айтқан. Ол Қайыргелді Қабылдиннің қолы қойылып, мөр басылған қағазды көрсетіп, «Өзенмұнайгаз» акциясының 67 пайызы ұлттық компания иелігінде, ал 37 пайызы Лондон қор биржасына шығарылғанын түсіндірген.

«Бірақ оны қытайлықтар ала ма, басқа ала ма біз оған кепілдік бере алмаймыз. Сондықтан компания акциясы Қытайға сатылады деген арандатуға сенбеңдер» дегенмен оған мұнайшылар күмәнданып отыр дейді Естай Қарашаев.

Оның сөзін мақұлдаған «Жөндеу» ЖШС кәсіподақ ұйымы төрағасы Ықылас Шаңгереев те бұл қағазға сену күмәнді дегенді айтады. Егер онда айтылғандар рас болса, «Қазмұнайгаз» ҰК президенті Қайыргелді Қабылдин мен Маңғыстау әкімі Қырымбек Көшербаев неге халықпен жүздесуге келмейді дейді ол.

- Облыс әкімі Қ.Көшербаев былтырғы қарашада мұнайшылар аштық жариялағанда да төбе көрсеткен жоқ. Осы жолы да ат ізін салмай отыр. Тіпті, мұнайшыларды «бүлікшілер» деп, оларды жазалу жөнінде әңгіме қозғап отырғанын теледидардан естідік, - деді Ықылас Шаңгереев.

Жұмысшылардың хабарлауынша, билік олардың сөзіне құлақ асудың орынына ереуілді ұйымдастырушыларды жазалаудың жолын қарастыруда. Қазірдің өзінде М.Дүйсенбаев, А.Жайдақов, Т.Сақтағанов, Н.Әжіғалиева, З.Байбосынова есімді мұнайшы, операторлардың сотқа шақырылғаны белгілі болып отыр. Бірақ жұмысшылардың айтуынша бұл ереуілдің нақты ұйымдастырушысы жоқ. Ол стихиялы түрде басталған наразылық.

«АКЦИЯЛАРДЫ ҚЫТАЙЛЫҚТАРДЫҢ ИЕЛЕНУІ ӘБДЕН МҮМКІН»

Геология-минералогия ғылымдарының докторы, профессор Сәдуақас Құрманов «Қазмұнайгаз» Барлау Өндіру АҚ акцияларының Лондон қор биржасына шығарылғаны жайлы 2006 жылы «Қазмұнайгаздың» ҰК вице-президенті болған Жақсыбек Құлекеевтің ресми жариялағанын еске алады. Ал бұл акцияны қытайлардың иеленуі әбден мүмкін, өйткені олар кез-келген нәрсені алуға дайын тұр дейді академик.

Сәдуақас Құрмановтың айтуынша, «Өзенмұнайгаз» кен орыны ашылған 1960 жылдардың басында-ақ кеңестік үкіметті таң қалдырған. Жалпы аумағы 40 шақырымды алып жатқан кенішті көргендер «сұлу, өзен десе өзен» деп сүйсінген дейді. Оның бастапқы жылдарда берген өнімі 18 миллион тоннаға дейін жеткен. Бірақ, өкінішке қарай, Өзен кенішін бей-берекет пайдалану салдарынан 1990 жылдардың басында оның өнімділігі 2 миллион тоннаға дейін төмендеген, сол себепті ол «Маңғыстаумұнайгазға» тиімсіз, масыл объектіге айналды, сондықтан оны бөлек шығарды дейді ғалым.

- Кеніш ашылған жылдары мен министрлікте қызметте болдым. Ғалымдар оны өте нәзік кен орыны деп бағалап, қабат қысымын бақылауда ұстап, сулануға жол бермеу керектігін ескерткен. 1993 жылдардан бастап Өзенмұнайгаз сәл қалпына келтірілгенмен, әлі күнге оның өндірілген мұнайы сол баяғы 18 миллионға жеткен жоқ. Қазір менің есебіммен 6 миллион шамасында, - дейді Садуақас Құрманов.

МҰНАЙШЫЛАР ӨЗДЕРІН ЖАҢАӨЗЕН ТҰРҒЫНДАРЫ ҚОЛДАП ОТЫР ДЕЙДІ 

Сондай-ақ «Мұнайгаз өндіру басқармасы-3» операторы Естай Қарашаев жаңөзендік тұрғындардың да өздеріне қолдау танытып отырғанын айтып отыр. Оның мәлімдеуінше студенттер «біз болашақ мұнайшылармыз,алдағы тағдырымызға алаңдаймыз» деп өздерінің де қосылатындарын хабарлаған. Қаладағы басқа бюдежттік мекеме қызметкерлері, мұғалімдер мен дәрігерлер де жұмысшылар талабын қуаттайтындықтарын білдірген дейді ол.

Сол себепті жұмысшылар «Қазмұнайгаз» ҰК президенті Қ.Қабылдин, «Самұрық - Қазына қоры» АҚ өкілі, парламент депутатарының бірі және облыс әкімі Қырымбек Көшербаев пен Ақтаудағы тәуелсіз кәсіподақ төрағасы М.Үмбетов келіп мәміле жасалмай тарқамайтындықтарын жария етуде.

«Жөндеу» серіктестігі кәсіподақ комитеті төрағасы Ықылас Шаңгереев жұмысшылардың бұған дейін болған бірнеше наразылықтары ескеріліп, қала әкіміне «Ымыраласу комитеті» дегенді құруды ұсынғандарын айтады.

ӘКІМ ДҰРЫС ТҮСІНБЕЙ ҚАЛАДЫ ДЕП ТЕЛЕФОНМЕН ТҮК АЙТПАЙДЫ

«Өзенмұнайгаз» өндірістік филиалының директоры Бақтығали Бисекенді телефон арқылы іздегенімізбен таба алмадық. Ал Маңғыстау облысы әкімдігінде наурыздың 8-інде кезекшілікте отырған ұйымдастыру бөлімінің бас маманы Қуаныш Берісбаев Жаңөзенде мұнайшылар мәселесімен айналысатын арнайы штабтың құрылғанын мәлімдеді.

Оны облыс әкімінің орынбасары Амангелді Айтқұлов басқарып отыр деді ол. Алайда бұл штабты Жаңаөзеннен сұрастырып таба алмадық. Қала әкімі Орақ Сарыбөпеев штабтың Ақтауда жұмыс істеп жатқанын хабарлады.

Жаңаөзендегі жағдай туралы сұрағанымызда:

- Мен телефонмен ешнәрсе айтпаймын. Егер сіз мұнда келсеңіз сөйлесуге болар еді. Мен саясатпен айналыспаған, өндірістің адамымын. Сондықтан менің сөзімді әркім әртүрлі түсінуі мүмкін. Ал өзім әкім ретінде мұнайшылардың алдына екі-үш рет барғаныммен, олар көнбей отыр, - деп жауап берді Орақ Сарыбөпеев.

Ал «Қазмұнайгаз» Барлау Өндіру акционерлік қоғамының баспасөз мәлімдемесіне сүйенсек «Өзенмұнайгаз» өндірістік филалындағы ереуілдің салдарынан мұнай өндіру көлемі 1 пайызға төмендеген. Қазір «Қазмұнайгаз» Барлау Өндіру акционерлік қоғамы басшылығы «Өзенмұнайгаз» өндірістік ӨМГ ахуалды жақсартудың шұғыл шараларын қарастырып жатыр.

Естеріңізге сала кесек, жаңаөзендік мұнайшылар ереуілі наурыздың 1-нен басталған еді. Олар өз талаптарына көңіл аударту мақсатында наурыздың 1-2-күндері жұмысты бір сағатқа тоқтатқан.

Мұнайшылар басты талап ретінде еңбекақыдан бөлек төленетін аймақтық коэффициентті сақтап қалуды, «Өзенмұнайгаз» өндірістік филиалы басшысы мен оның орынбасарының және кәсіподақ төрағасының орнынан кетуін талап етіп, 1,8 салалық коэффициентін төленуін сұраған болатын. Мұндай наразылықтар былтырғы жылы да бірнеше мәрте қайталанып, өткен қарашада бір топ жұмысшылар аштық та жариялаған еді.

P.S. Наурыздың 9-күні Азаттық тілшісіне хабарласқан Жаңаөзендік жұмысшылар, ереуілге қатысқан 21 адам сотқа шақырту алғанын және билік орындары оларды рұқсат етілмеген шеруге шықты, соны ұйымдастырды деп кінәлап әкімшілік жазаға тартпақ болып жатыр деп хабарлады. Олардың арасында «Жөндеу» ЖШС кәсіподақ ұйымының төрағасы Ықылас Шаңгереев те бар. Қалғандары түсінік-жауап беруге алып кеткен жұмысшыларға шығарылатын шешімді күтіп отыр. Жұмысшылар өздерінің қойған талабынан қайтпайтындарын айтады. Бұл жолы сотқа шақырту алған адамдардың барлығы былтыр қараша айында Жаңаөзенде болған жұмысшылар наразылығы кезінде құрылған ымыраласу комиссиясының құрамына кіргендер деп хабарлайды жұмысшылар.

Ал «Қазмұнайгаз» Барлау Өндіру» акционерлік қоғамы Жаңаөзендегі «Өзенмұнайгаз» өндірістік филиалы жұмысшыларының ереуілін заңсыз деп табу жөнінде сотқа талап арыз түсірді деп компанияның баспасөз қызметі хабарлағаны жөнінде сейсенбі күні ҚазТАГ агенттігі хабар таратты. Бірақ онда арыздың нақты қай сотқа берілгені турасында айтылмаған.

«Қазмұнайгаз» Барлау Өндіру» акционерлік қоғамының деректері бойынша, 4-8 наурыз аралығында «Өзенмұнайгаздың» 1,5 -3 мыңға дейінгі жұмысшысы жұмысқа шықпаған. Ал кәсіпорынның инженер-техникалық және кезекші қызметкерлері жұмыс орындарында өнім өндіру процесінің тоқтамауын қамтамасыз етіп жатыр деп жазылған баспасөз баянында.



CАЙТЫМЫЗҒА ТІРКЕЛІҢІЗ!

Құрметті оқырман!

Комментіңізді неғұрлым жылдам шығарып, Азаттық журналистеріне тікелей сын-ескертпе немесе ұсыныс айтып, өзге оқырмандармен ашық пікір алмасқыңыз келсе, сайтымызға тіркеліңіз.

Тіркелу үшін мына жерді басыңыз

Тіркелген соң сайттың оң жақ шекесіндегі «Кіріңіз» деген терезе арқылы еніп, пікір жаза аласыз.

Құрметпен,
Азаттығыңыз
Бұл форум жабық. Бірақ пікірталасты Азаттықтың Facebook-парақшасында жалғастыра аласыз: https://www.facebook.com/azattyq
Пікірлерді іріктеу
Пікір жарияланған бет , жиыны 2
    Келесі 
Кімнен: Тілекші
09.03.2010 18:48
+0 / -0
Жаңа-зендөктер, Жарайсыңдар!!!
Сендер қазақ жұмысшыларының
21-ші ғасырға сай ой-санасы оянған, бірліктері мықты, адамгершіліктері жоғары, өз-өзін сыйлау білетін алғашқы қарлығаштарысыңдар!
Біз жан-тәнімізбен, көңілімізбен сендермен біргеміз!
Алла мына Шайтандармен күресте бала-шағаларыңның несібесі үшін, бүткіл қазақтың несібесі үшін сендерді жеңіске жеткізсін.

Кімнен: Қуат Қайдан: Түркістан
09.03.2010 19:03
+0 / -0
Құрметті Жаңаөзендіктер! Дұрыс жасап жатқан тірліктеріңіз! Сіздер "Маған аузыма ақ майды құй" деп жатқан жоқсыздар, тек өздеріңіздерге тиесілі нәрсені ғана сұрап жатырсыздар. Барлық Қазақстандықтар осыны түсіне білсе болар еді. Әркім өз талабын қоя білуді үйрену керек қой.
Құрметті Қазақстандықтар! Міне сіздерге Жаңаөзендіктер жақсы мысал көрсетіп берді. Өз шағымын бейбіт талап етудің жарқын мысалы.
Ал Жаңаөзендіктерге айтарым, тек соңына дейін бірге болыңыздар. Арандатуларға көнбеңіздер. Қайтпаңыздар. Тек сонда ғана жеңесіздер.

Кімнен: Берік Қайдан: Атырау
09.03.2010 21:55
+0 / -0
Ендігі жерде тек осылай ғана жеңуге болады! Біз капитализм құрып жатырмыз. Онда тек ереуілмен ғана қорқытуға болады. Әттең! Бүкіл қазақ көшеге шығып кетсе, бүгінгі шіренгендердің бірі де қалмай бет ауған жағына қашып кетекр еді. Дегенмен, шүкір. Осылай, осылай үйренерміз. Ал, енді шегінбеңіз!!!!!!!!!! Мен рушыл емеспін, әйткенмен осы адай деген тегін жұрт емесау осы!!!!!!!!!!!!! Қайта-қайта көтерілуін қарашы. Түбі осылар Көш бастайтындар болар

Кімнен: Сулу кыз
09.03.2010 22:39
+0 / -0
Өз басым ереуілді тоқтату керек деп ойлаймын. Себебі, кейінгі жағдайды өзіміз ушықтырып жіберуіміз әбден мүмкін. Биылдан бастап қаланың гүлденуіне 43 млрд теңге қаражат бөлінді, оның өзі қандай, қуану керек, сондықтан тоқтатайық сұмдық әрекеттерді, саналы адамдармыз ғой!! Қажеті қанша...
Пікір алмасу

Кімнен: Елмат
10.03.2010 07:47
+0 / -0
Уа-ха-ха. Сулу кыз сені тоқтату керек. сұмдық әрекеттерді өзің жасадың,сен өзің санасыз адам екенсің.Саналы адам осындай пікір жаза ма?
Пікір алмасу

Кімнен: Жол сілтеуші
10.03.2010 15:55
+0 / -0
Ей қыз! Сенің сұлулығыңнан біздің бала-шағамызға қандай пайда бар? Сенің сұлу бетіңе ас құйып ішеміз бе?
Ең болмаса, сұлуда ми түгілі, махабат та болмайды ғой? Сұлудың басында бір шөкім ми болмаса, ақыл қайдан болсын?
Сұлу сен адастың, сенің орның кафе, рестаран, қонақ үй мен сауналарға бар.
Пікір алмасу

Кімнен: Шпшты Қайдан: Алматы
15.03.2010 01:49
+0 / -0
Сулу кыз, сен атыңды сорлы деп алмастыр ақшаның қулы болғанша өлгенің жөн болар.

Кімнен: марат
09.03.2010 23:04
+0 / -0
Азаттык видеоматериал барма?

Кімнен: Құпия мен Жария Қайдан: Атырау-Ақтау
09.03.2010 23:11
+0 / -0
Жер аты байлығының егесі халық болуы тиіс. Оны жалға алған компания оны өз меншігі деп қарауға үйренген. Өйткені, ол одан түсетін табысқа толық иелік етіп, жергілікті халықты, ондағы табиғатты қалауынша қанап отыр. Халық бірігіп күрессе ғана байлықты қоғам меншігіне қайтара алады. Арабтар өз елдеріне келген инвесторлардың үлесін 30 пайыздан асырмайды дейді. Бізде 90 пайыздан да асып кетті десе болады. Кейбір мұнай кеніштері "үлкен" адамдарға тегін таратылғаны тағы бар. Және, қазір иелік етушілер мұнайдың қаймағын қалқып отыр. СРП бойынша Қ-ның үлесі артқанда мұнай тым қымбатқа түсіп, пайда ондаған есе азаяды.Біздің халық сөйтіп пайдадан бірнеше есе қағылуда. Қазір мұнайдан түсіп жатқан табыс өзін-өзі инвестициялауға толық жетеді. Бірақ оны сату кімге пайдалы екені құпия. Құлқынның қамын ойлап қайдағы біреуге жасаған жақсылықты өз халқынан аяғанның тапқан-таянғанын ит жесін!!!

Кімнен: АДАЙ БАЛАСЫ Қайдан: ҚАЗАҚСТАН
09.03.2010 23:26
+0 / -0
БАРІМІЗ БУКІЛ КАЛАЛАРДАН ШЫГАЙЫК ЕРЕУІЛГЕ БІРІГІП!!!!СОНДА ГАНА ЖЕНІСКЕ КОЛ ЖЕТКІЗЕМІЗ!!!!!КЫТАЙЛАРГА БАЙЛЫГЫМЫЗДЫ БЕРІП ОТЫРМАЫЗ БА????????ЕШ ТЕЛЕКАНАЛДАРДАН АЙТПАЙТЫНЫ ОКІНІШТІ!!!ЖОГАРЫДАГЫЛАРДЫН НУСКАУЫ БОЛАР МУМКІН!!!!ТЕК ОСЫ РЕСУРСТАН ТАПТЫМ!!!!
Пікір алмасу

Кімнен: 123
09.03.2010 23:50
+0 / -0
Рас айтасын. ТВ, газеттер т.б. тіс жармай отыр. Неше күн болды осы ереуілдің басталғанына? Бір канал айтты ма? ЖОҚ. Көрің де тұрың, айтпайды да. Себебі үкімет халықты мал деп есептейді.
Пікір алмасу

Кімнен: Жадыра Қайдан: Алматы
15.03.2010 01:43
+0 / -0
әрине сен атыңды айтуданда қорқып отырғанда қорыққанның әкесін қара қытай қаптағанда көресің,қытайдан келген қазақтар сақтанайық деген кезде оларды кіналаған едік, олар бізге қарағанда түсініктері өте жоғары екен.әй осылардан бірдеңе шығад-ау деген үмітім зор.
Пікір алмасу

Кімнен: 123
03.04.2010 22:30
+0 / -0
Жадыра,
Атымды "123" никпен жазғаным, қорыққаным емес. Мен сол ереуілшілердің бірімін.
Пікір алмасу

Кімнен: Шапырашты Қайдан: Алматы
15.03.2010 01:01
+0 / -0
АДАЙ БАЛАСЫ,бүл пікірді біз 17 жыл бүрын айтқанбыз,сол кезде сіздер оған күлген едіңіздер.Міне көзді ашып жүмғанша қытайлар мақсатын орындау алдында түр,елдің бәрінде байланыс жоқ себебі қазақ кедеи болып сорланып қалған, алматылықтар қабарсыз жатыр, тек аштан өліп қалмайқ деп нанның соңында жұр.басқада жолдармен барлығына ашық үндеу тарату керек,барлық қалалардан бір уақытта дайар болуымыз керек. алжығанмен алысу оңай емес қой,ақыл есі 100% ауысқан адам.

Кімнен: адай ерқосай Қайдан: жаңа-өзен
10.03.2010 10:07
+0 / -0
мен қазақ газ өңдеу завотында жұмыс жасаймын, жұмысберушілер жұмысшыларды зорлықпен заңсыз нұр-отан партиясына кіргізуде,шындық жазбайтын газеттерге жұмысшыларды қорқытып жаздырады.
Пікір алмасу

Кімнен: Шапырашты Қайдан: Алматы
15.03.2010 01:07
+0 / -0
"жұмысберушілер жұмысшыларды зорлықпен заңсыз нұр-отан партиясына кіргізуде" дегенше оны капутжіберіңдер

Кімнен: Айна
10.03.2010 10:12
+0 / -0
Қазіргі уақытта заңдық тұрғыдан талап ету арқылы ғана жеңіске жетуіміз мүмкін. Одан басқа жол жоқ. Ешкім бізді аяп отырған жоқ. Халқына жағдай жасамаса, жазылмаған заңдармен бөсіп, неге алыстан арпылдап үретіні түсініксіз. Елге басы айналып, қазақ халқы ел қатарлы жасасын деп адал ниетпен жүргендер санаулы шығар. Алайда халқым дегендер қара тізімге ілінетіні тағы бар. Бірақ, болатын іс бәрібір болады. Сондықтан маңғыстаулықтарды мың мәрте қостаймын. Жеңіс Сіздердікі болсын!

Кімнен: Тұман Қайдан: Дала
10.03.2010 10:52
+0 / -0
Сонда, осында ауызбен орақ орып отырғаннан басқа қолдан келер ештеңе жоқ болғаныма??

Кімнен: қажы мұқамбет қаракедей Қайдан: иран.горган
10.03.2010 11:20
+0 / -0
Қазақтың мұнайын талан - таражға салып жатқандар ортаны ыластап жүргені бір басқа жұмысшыларды бүлікші деп жазалағысы келіп жүр . Әрі де емес бері де емес - қаржышылдық па , халықшылдық па - осы екеуінің бірі болу керек . Алпауыттар кеніштерді жалмап жатқанда жұмысшылар неге айқай салмасқа ? Ережені бұзғандарға қарсы қимылдау керек . Бұға берсең сұға берері бесенеден белгілі ғой . Айқай - шу қолайсыз десек те қорланған жандарды қолдау елдің ынтымағын қамтамасыз ететін бірегей шара . Осы бағытта Адайлардың , әсіресе Жаңаөзендіктері , бастамасы Кеңес одағы барда да айқындалмады ма?
Пікір алмасу

Кімнен: Сұраушы
10.03.2010 16:01
+0 / -0
Жаңаөзендегі мұнайшылардың наразылығы туралы "Астана" арнасы, "Жетінші" арна, тіпті "КТК"-нің өзі жұмған ауыздарын ашпай отыр. Бұлардың бәріне не болды? Жоңғарлар қорқытып тастады ма?
Пікір алмасу

Кімнен: Жеменей Қайдан: Жанаозен
10.03.2010 20:11
+0 / -0
Казак атамыз айткандай бирлик бар жерде тирлик бар дегендей! Бауырлар аузымыз бир болсын! Жерин саткан адамдар, ягни елин де сатады? Сондыктан да оларды курту керек! Бизди соттын ози колдамай отырса, сонда адилдик кайда?

Кімнен: Шымкенттік Қайдан: Шымкент
10.03.2010 13:55
+0 / -0
Жарайсыңдар Жаңаөзендіктер!
Біздер сіздерді қолдауға деп екі автобуспен жолға шықтық.
Қазір жарты жолдамыз.

Кімнен: Шымкенттік Қайдан: Шымкент
10.03.2010 13:55
+0 / -0
Жарайсыңдар Жаңаөзендіктер!
Біздер сіздерді қолдауға деп екі автобуспен жолға шықтық.
Қазір жарты жолдамыз.
Пікір алмасу

Кімнен: adai Қайдан: jer
15.03.2010 19:32
+0 / -0
KAWAN KELESIZDER? KELINDER BAUIRLAR KELINDER KOBEINDER

Кімнен: Жанат Қайдан: жанаозен
10.03.2010 14:06
+0 / -0
Алға Жанаозендіктер

Кімнен: Адай Қайдан: жанаозен
10.03.2010 18:49
+0 / -0
Бауыржан айткандай "Елим дегенде езилип,журтым дегенде жугинип кызмет ет!" осындай Азаматтары жок когамда ереуілден баска жол бар ма? Аллага тапсырдык ак-карасын! Алла куат берсин!
Пікір алмасу

Кімнен: Шпшты Қайдан: Алматы
15.03.2010 01:28
+0 / -0
Адайлармен шімікенттіктер мына жалмаузға қарсы турмасаңдар Алматының жігіттері өліккәртейген азбан бабуындер

Кімнен: Жеменейдің қызы Қайдан: Жаңаөзен
10.03.2010 21:01
+0 / -0
Біздің Жаңаөзендіктерге соғыста, атақта керек емес. Тек өздерінің еңбекақларын дұрыс төлеуді талап етіп отыр. Кейбіреулер оны дұрыс түсінбей қалып отыр. Бұның арты жақсылыққа апармайтыны анық. Жаңаөзендегі мұнайшыларды Маңғыстаудағы 362әулие аруағы қолдап, ҚҰДАЙҒА тапсырып отырмыз. Барлығы оңынан болсын. Бір АЛЛА қолдасын сіздерді. Бастаған ісіңізді соңына дейін барсаңыз, нағыз қазақ азаматы екеніңізді ел біледі. Сонда нағыз АДАЙ қандай болатынын жұтр айтсын. Біздің жанымыз сізбен бірге.

Кімнен: Берік Қайдан: Атырау
11.03.2010 00:54
+0 / -0
Қырғыздар Енесайды 1000 жыл қорғады, Адайлар маңғыстауды 1000 жыл қорғады! Басқа ешкім өз жеріне оларша қан төккен жоқ! Басқа әңгіме айтқым келмейді! Тіпті, ешкім қолдамаса да адайлар түбі жеңіске жетеді. Көре алмайтындар, бір кезде к-т қысып қалғанын ұмытып, асқа жарымай жүрсе де, сол баяғы шүкіршілікпен тағы жамандайды. Біріккендер жеңіске жете бермек, к-т қысқандар өмір бойы соларды жамандап өте бермек! Бұл - өмір заңы.
Пікір алмасу

Кімнен: Шпшты Қайдан: Алматы
15.03.2010 01:34
+0 / -0
Берік жарайсың, сіздерден үміт зор, болашақ басшыны сіздерден талдағанда туражолға түсеміз деп сенемін.Алматылықтар үйықтап қалған олар бйлікке таласып ,уақыттары жоқ.

Кімнен: Жеменейдің қызы Қайдан: Жаңаөзен
11.03.2010 14:42
+0 / -0
Құрметті ЖАҢАӨЗЕННІҢ мұнайшылары ҚҰДАЙ жолына беріп жатқан садақаларыңыз қабыл болсын! АЛЛА ТАҒАЛА сіздерді қолдап, тілеген тілектеріңіз періштенің құлағына шалынсын! Бүкіл ҚАЗАҚ сіздерді қолдап отыр. Тек қана бастарың аман, еліміз тыныш болсын ағайындар!

Кімнен: aktau Қайдан: aktau
13.03.2010 02:16
+0 / -0
baurlar koindar endy arty jaksylykka aparmaidy,aikaisz wusyz wewu kerek byl maseleny!

Кімнен: zhemeney Қайдан: Adaystan
13.03.2010 14:55
+0 / -0
alga kazaktar,koyilip otyrgan talaptariniz oryndi,Kulibaevti kuu kerek orninan,kashangi asyraimz oni,haliktin akshasina masayrap shetelden villa satip alip,bilgenine surip zhur.ozendikter KNB-nin korkitularinan korukpan,olardin da atin zharyalap orindarinan kuu kerek,nannin kushikteri.kitayga berilmesin OZENMUNAYGAZ!!!!!!!!!!!!!!!!!!!!!!!!!!!!!!!!!!
Пікір алмасу

Кімнен: Шпшты Қайдан: Алматы
15.03.2010 01:23
+0 / -0
бауырым Қүлыбайыпыңне балықты басынан шабыу керек,Назарбаев қалықтың басына қара бүлтты төндірді, қалық қатты күйзеліске тап болды,өтыріктен-өтірік жан басындық кірісіміз әрбір адамға тіпті бәлеппай пырасенттен деп үйалмастан қалқараға жар салады,іс жүзінде қара қалыққа бір жармақта беріп отырған жоқ өзінің байлығын қалыққа аузымен бөле салады.орынды босат деп барлық қйндықтың жауабын бір жерден ғана іздестірген жөн болар.2, 86жыждағы желтоқсанды бастауымыз керек.
Пікір алмасу

Кімнен: Адай-Жеменейдің қызы Қайдан: Жаңаөзен
15.03.2010 10:51
+0 / -0
АЙНАЛАЙЫН ШАПРАШТЫ !!!!!
Сен жүздің үлкені болып барлық кісілерге өзіңнің дұрыс сөздеріңді айтып отырсың. Бір-ақ жоғарда бір жерде қателесіп отырсың. 17 жыл бұрын сіздерге ешкімде күлген жоқ. Өйткені бізге сіздің айтқыңыз келгенін естиген жоқпыз. Сол кездерді айтуға болады ешкімде байланыс жоқ деп. Қазір байланыс әрбір үйде немесе интернет кафелер көп емес пе? Біздің АДАЙЛАР ешкімдіде алаламайды және ешкімненде қорқпайды. Бізге қазақсыңба,әлде басқа ұлтсыңба тек адамгершілігің мол болса болды. Егерде бізді сатып кетсең онда оңдырмаймыз. Біздер әліде көтерліс жасап жатырған жоқпыз, бұл наразылық акция. Біздің артымызда бала-шағамыз бар, сол үшінде жастарымызды тоқтатып сабырлыққа шақырып отырмыз. Дау-дамайдың арты жақсы болмайды, жастарымызға кесірі тиіп кетеді. Сізге көп рахмет, 2-ші 86-89жылдар қайталанбай-ақ қойсын. Қазақ болып біздің мұайшылардың тілегін тілесеңіз болды. Соған қуанамыз. Барлық ҚАЗАҚ халқына сабырлық беріп, бастарымызды сау, бала-шағамыз аман жүрсін көз алдымызда!!!!!
Пікір жарияланған бет , жиыны 2
    Келесі 

Азаттық - әлеуметтік желілерде

Жаңалық оқып жүрсіз бе?

Сұрақтың фотосы

Украинадағы сепаратизм, АҚШ наразылығы және жүргізушілер ереуілі