Қара Бура мен Сары Атан

Жарайсың! шындықты айтар азаматтарымыз көбейсін!
Нұротан орныңды босат!

Көкірек толған қайғы кісінің өзіне де билетпейді, бойды шымырлатып, буынды құртып, я көзден жас болып ағады, я тілден сөз болып ағады. "Абай"

Жарайсын азаматым!Орынды сөз тасты да,басты да жарады!

Жаңаөзен оқиғасының отыз күндігіне

О, зарлы күн, зарлы күн

О, зарлы күн, зарлы күн,
Қыруға елдің барлығын.
Селт етпестен жүрегі,
Басшысы берген жарлығын.

Қайғылы, мұңды, зарлы күн,
Аязды, мұзды, қарлы күн.
Әлемге мынау паш еттің,
Арамза кім, арлы кім?

О, арсыз күн, арсыз күн,
Жесірлер қалған жарсыз күн.
Қазаққа мынау паш еттің,
Арамдық ісін арсыздың.

О, харам күн, харам күн,
Жақсылық іске сараң күн,
Аналар жоқтау айтысып,
Жетімек болған балаң күн.
О, мұнар күн, мұнар күн,
Қанішерге ұнар күн.
Әлемге мынау паш еттің,
Қан ішуге құмар кім.

О, мұңды күн, мұңды күн,
Ел таныған сұмды күн.
Қазаққа барша паш еттің,
Мұңсызы кім, мұңды кім.

Ажал боп елге жеткен күн,
Зарлатып жұртты кеткен күн.
"Аяма, қыр" - деп халықты,
Қанішер бұйрық еткен күн,

Қасқырлар елге шапқан күн,
Төбеттер талап қапқан күн.
Жазықсыз, адал халқына,
Жауыздар жала жапқан күн.

Қызыл қан аңсап атқан күн,
Қыз, ұлдар жамсап жатқан күн.
Жалалар жасап сан түрлі,
Бәлеге басты шатқан күн.

Қызыл қан мұз боп қатқан күн,
Елбасы елін сатқан күн.
Елінің қинап қазасы,
Еңіреп барып батқан күн.

Әлі де аяқ жимауда,
Ел жұртты қорлап қинауда,
Есіріктенген есуас,
Ес енер қашан милауға?

Алжуы жетіп есірді,
Еліне етіп кесірді.
Қинауға салып қорлауда,
Жетімі менен жесірді.

Бұл сұмға сенсең өлесің,
Зорлыққа күшпен көнесің.
Тезірек құтыл бұл "нұрдан",
Шын нұрың нұрға бөлесін.

Ерлерге елім мақтанғын,
Ездерден есер сақтанғын.
Тууын тездеп тілейік,
"Сұм" жолын кесер ақ таңның.


Не айтарсың?

Не айтарсың бұл нақұрыс наданға?
Жаңаөзенде оқ аттырды адамға.
Дүниені артық көріп адамнан,
Ойланбай-ақ, барды осындай қадамға.

"Желтоқсандай" ерік бермей күрекке,
Тапаншадан оқ қадатты жүрекке.
Таң қаламын кеудесінде бұл иттің,
Соғып тұрған тас па, әлде жүрекпе?

Неге сонша елге қаны қарайды?
Автоматпен қансоқта қып маңайды.
Тапаншамен көздеп атты қуалап,
Жан ұшыра қашқан оқтан талайды.

Автоматтар сепкілеумен от құсты,
Талай боздақ тепкілеу мен оқ құшты.
Мақсат сонда бейбіт елді қырғызып,
Көріну ғой "жан аямас" боп күшті.

Жүрегі жоқ, неткен малғұн ез еді,
Неге сонша адамдықтан безеді?
Адам түгіл хайуанша құны жоқ,
Боп қалатын, келер дүние кезегі.

"Дүние кезек" деген сөз бар қазақта,
Түскеніңді көрер көз бар азапқа.
Сол бір күндер жеткенінше ей топас,
Өз тобыңа айналып қал мазаққа.

Ей миғұла, сенен билік кетуде,
Сенгендерің сені мазақ етуде.
Елге сені арандатып ақымақ,
Қылмақ құрбан мақсатына жетуге.

Қулықтар бар жетпей тұғын кей сана,
Көзіңді аш, ойлан сорлы бейшара.
Құпиялы болып жатыр ордаңда,
Елге сені қарсы қояр кей шара.

Ойлан сорлы, шықты сонша неге есің?
Бүйте берсең үлкен зәбір шегесің.
Жан жағыңнан жағынысқан жантықтар,
Босатуда босағаңның шегесін.

Осыны сен неге сезіп ұқпайсың?
Екі жүзді аярларды құптайсың.
Өз еліңді өзің қырып жойғаннан,
Ұтылмасаң, ешқашан да ұтпайсың!

Қазеке, не десем екен? Сөз қадірін білетін адамға айтылмаған сөз қалмағандай. Менің қынжылатыным ұлы Сөздің де, Сөз Иесінің де қадірін кеш біліп, кеш түсініп жататын сияқтымыз. Қазақтың бұл Желтоқсаны жайлы өткен шақпен емес, осы шақпен айтар күн туар деп үміттенемін, сенемін...
Пікір иелеріне, Жігіттер пікірлеріңді неге бүркеншік есіммен жазуға құмарсыңдар? Кімнен, неден қорқамыз осы?

Иа оте дал айтылган ....Сиз сиякты агаларымыз коп болса го ширкин!!!Каламыныз мукалмасын ага!