МӘСКЕУ: Күрдістанның отаншылдар одағының бас хатшысы Джалал Талабани бүгін Ресей басшылығымен келіссөздер жүргізу үшін Мәскеуге келеді. Ирақ күрдтерінің жетекшісі Ресейдің сыртқы істер министрі Игорь Ивановпен және басқа ресми тұлғалармен Ирақтағы қазіргі ахуалды, сондай-ақ екі жақты қарым-қатынастарды дамытудың болашағын талдайтын болады. Ресейлік ақпарат көздерінің хабарына сәйкес, таяу болашақта Ресейге Күрдтердің демократиялық партиясының көсемі Масуд Барзанидің де келіп қалуы мүмкін деп күтілуде.
