БІШКЕК: Қырғызстан өкіметінің ақпары бойынша, Қытайдың Шыңжаң-Уйғыр автономиялы ауданында 100-ге жуық қырғыз азаматы кепілдікте ұсталып отыр. Қырғызстанның шекара күзтеі қызметі өкілінің біздің тілшімізіге хабарлағанындай, кепілдікке ұстап әкетілгендердің басым көпшілігі Қытайдағы кәсіпкерлермен әріптестік қатынаста болған шағын кәсіпкерлер көрінеді. Қытайлық кәсіпкерлер оларды қорданалып қалған қарыздарын өтеуді талап етіп кепілдікте ұстап отыр. Қырғызстан өкіметі ұрлап әкеткен адамдарды тек әкімшілік жазаға тартатынын ескертіп, тұтқында отырған азаматтарды босатуға шақыруда.
