Саддам Хусейнді ұстап берген адамға 30 млн доллар сыйақы жарияланғаны белгілі. “Нью-Йорк таймс” газетінің хабарлауынша, Вашингтон диктатор Саддам Хусейнді оның жасаған қылмысы үшін, халықаралық трибунал емес, ирактықтардың өздері соттауы керек деп санайды. Американ-британ тарапынан құрылған Ирақтың уақытша әкімшілік басшысы Пол Бремер, “жаңа Конституция дайындап шығару керек және оны қабылдау үшін референдум ұйымдастыру қажет”- деді. Оның айтуынша, Ирақ басшылығында жаңа жүйе құрылғаннан кейін, АҚШ-тың алға қойған мақсаты орындалады.
