Солтүстік Кореяның ядролық қарулануын тоқтатуға байланысты алты жақты кездесуді Бежінде өткізуге келіскендігін Қытай өкіметі растап отыр.

Тамыздың 27-сінде басталып, үш күнге созылатын бұл ақылдасу-басқосуына қос Корея, Ресей, Құрама Штаттары, Жапония және Қытай өкілдері қатысатын болады. Осы мақұлдауға дейін аталған басқосуға қатысатын алты ел арасында, Мәскеу мен Вашингтонда, өзара екі жақты және үш жақты келісімдер өткізілген болатын.