ГААГА: Әскери қылмыстар бойынша Гаага трибуналында Босниядағы концлагердің бұрынғы коменданты адамзатқа қарсы жасаған өз қылмыстарын мойындады. Босниялық серб Драган Николич 1992-1995-інші жылдардағы соғыс кезінде өз лагерінде отырған негізінен мұсылман тұтқындарды зорлап-жәбірлеп өлтіргендерін, оларға жыныстық зорлық жасалғанын толық растады. Бұған дейін Д.Николич өзін кінәсізбін деп мәлімдеп келді. Прокурорлар оны 16 жылдық мерзімге түрмеге кесуді талап етуде.
