Нью-Йоркте осыдан бірнеше сағат бұрын Біріккен Ұлттар Ұйымы Бас Ассамблеясының кезекті, 58-ші жылсайынғы сессиясы басталды. 191 мемлекеттің басын қосқан Ассамблеяның кезекті төрағасы боп Кариб теңізінде орналасқан Сант Люция мемлекетінің сыртқы істер министрі Джулиан Роберт Хюнте сайланды.
Джулиан Роберт Хюнте реформа болмаса да, әжептәуір өзгерісті бастан кешіп отырмыз деп сипаттады. Біріккен Ұлттар Ұйымының Қауіпсіздік кеңесі болса Ирақ жөнінде жаңа қаулы шығаруды ойластырып отыр. Ирақта Біріккен Ұлттар Ұйымының қарамағындағы көпжақты бітімгершілік әскерді қоныстандыру бастамасы талқыға салынды.
