“Бұқаралық ақпарат құралдары жөніндегі” заң жобасын әзірлеуші жұмыс тобы өзінің алғашқы бас қосуын қазан айының алғашқы жартысына белгілеп отыр. Бұл жөнінде бүгін Мәжіліс тобының жетекшісі Әбдіжәлел Бәкір хабарлады. Аталған отырыстың 13-17- қазанға белгіленіп отырғандығын айта келіп ол, нақты ұсыныстар мен ескертулерді жұмыс тобына табыс етуді журналистердің есіне сала кетті. Дей тұрғанмен, мәселенің кейбір тұстары аталған заңға енбей қалуы да мүмкін деді Әбдіжәлел Бәкір мырза.