Пекинде Қазақстан мен Қытайдың сауда министрліктері өзара екі елдің шекарасында “шекаралық сауда аймағын құру” мәселесін талдауда.

ПЕКИН: Қазақстан мен Қытай арасындағы сауда айналымында “ұйымдаспаған” немесе “челнок” деп ататалатын сауда-саттықтың үлес-салмағы әлі де болса айтарлықтай болып отыр. Ол сауда-саттықтың үлесі жалпы қазақ-қытай сауда айналымының 20-дан 30 пайызына дейін барады. Қазақ ақпарат агенттігінің Пекиннен хабарлағанындай, Қазақстан мен Қытайдың сауда министрліктері екі елдің шекарасында “шекаралық сауда аймағын құру” мәселесін талдауда. Ондай аймақ ашу – екі елдің азаматтары үшін ары-бері визасыз жүріп-тұруын қамтамасыз етіп, капитал мен тауарлардың еркін айналымын қамтамасыз етуді қарастырады. Осы күні екі елдің сарапшылары шекаралық сауда аймағын ашудың техникалық мәселелерін талдап жатқан көрінеді.