Филиппинге мемлекеттік сапарының бағдарламасына сәйкес, бүгін Қазақстан президенті Н.Назарбаев Филиппин президенті Глория Макапагал Арройо ханыммен кездеседі деп күтілуде.

МАНИЛА: Филиппин Республикасына мемлекеттік сапарының бағдарламасына сәйкес, бүгін Қазақстан президенті Н.Назарбаев Филиппин президенті Глория Макапагал Арройо ханыммен кездеседі деп күтілуде. Қазақстан президентінің Филиппин Республикасына 2 күндік мемлекеттік сапары дүйсенбі күні басталды. Қазақ ақпарат агенттігінің хабарлауынша, дүйсенбіде Маниланың “Вилламор” әуе жайында қазақ президентін Филиппиннің вице-преизденті Теофисто Т.Гуингона, сыртқы істер министрі Блас Ф.Опле және әскери әуе күштерінің бас қолбасшысы Нестор Сантиллан салтанатты жағдайда қарсы алды.