МӘСКЕУ: Бүгін Мәскеудің кассациялық соты ЮКОС мұнай компаниясының бұрынғы басшысы Михаил Ходорковскийдің тұтқындалуы бойынша арызды қарайды. М.Ходорковскийдің адвокаты Андрей Дрельдің айтуынша, қорғаушылар оны қамауда ұстау туралы Басман сотының үкімін бұзып, оны бас бостандығынан айырмайтын басқа шектеу қолдануды сұрап отыр. М.Ходорковский 25-інші қазанда Новосибирскіде тұтқындалып, Мәскеуге жеткізілді. Оған қылмыстық кодекстің 7 бабы бойынша, оның ішінде салық төлеуден жалтарды деген бап бойынша айып тағылды.
