АЛМАТЫ: Орта Азия мемлекеттері мен Ресейдің екі жақты қарым-қатынастары және 2001-інші жылдың 11-інші қыркүйегінен кейінгі Ресейдің Орта Азиядағы стратегиясы – осы 2 мәселе қарашаның 26-сында Алматыда өтетін Халықаралық конференцияда талқыланатын негізгі тақырыптар болмақ. Конференцияның жұмысына Ресей, Қырғызстан, Өзбекстан, Тәжікстан және Қазақстанның көрнекті ғалымдары мен саясаттанушы сарапшылары қатыспақ. Халықаралық форумды Фридрих Эберт атындағы Қазақстандағы Қор, саяси зерттеулердің Ортаазиялық агенттігі және қазіргі саясаттың Халықаралық институты бірлесіп ұйымдастырып отыр.
