ЕуроОдақтың төрағасы – Италия – ЕуроОдақ министрлерінің Кеңесіндегі дауыс беру тәртібіне байланысты еуроконституцияның жобасына өзгерістер енгізбейді.

РИМ: ЕуроОдаққа төрағалық етуші – Италия – ЕуроОдақ министрлерінің Кеңесіндегі дауыс беру тәртібіне байланысты еуропалық конституцияның жобасына өзгерістер енгізбейді. Римнің пікірінше, конституция жобасының қазіргі нұсқасын көпшілік қолдайды. ЕуроОдақтың осы аптада өтетін бас қосуында мақұлдануға тиіс жобаға өзгерістер енгізуді Одақтағы шағын елдердің рөлін арттыруды талап етуші Испания мен Польша талап етуде.