Биыл әлемнің түрлі елінде өзінің кәсіби міндетін атқарып жүрген 83 журналист қаза тапты.

БРЮССЕЛЬ: Биыл әлемнің түрлі елінде өзінің кәсіби міндетін атқарып жүрген 83 журналист қаза тапты. Журналистердің халықаралық федерациясының дүйсенбі күні Брюссельде жарияланған баяндамасында осындай мәлімет келтірілді. Баяндама авторлары төтенше жағдайларда кәсіби міндеттерін атқарып жүрген журналистердің тағдырына атүсті қараған үкіметтерді сынға алды. Үкіметтердің қол қусырып отыруы салдарынан Колумбияда 7 және Филиппенде 3 журналисті өлтірген қылмыскерлер әлі де ұсталмаған. АҚШ-та Ирақтағы соғыс қимылдары барысында оққа ұшқан 16 шетелдік тілшінің істері тергелмей жатыр.