Қазақстанның еңбекпен түзеу мекемелерінде діни рәсімдерді өткізетін 132 арнайы бөлме бар, сонымен қатар 12 мешіт пен 7 шіркеу ашылған.

АСТАНА: Қазақстанның еңбекпен түзеу мекемелерінде немесе түрмелерінде діни рәсімдерді өткізетін 132 арнайы бөлме бар, сонымен қатар 12 мешіт пен 7 шіркеу ашылған көрінеді. Сәрсенбі күні республика парламентінде әділет вице-министрі Сабыржан Бекбосынов осылай деп хабарлады. Оның айтуынша, республиканың түзеу мекемелерінде 42 орта мектеп жұмыс істейді және 6 мыңға жуық тұтқын білім алады.