Кеше Ирақтың оңтүстігіндегі Кербала қаласына болған бірнеше шабуылдарда коалицияның алты солдаты мен жеті тұрғын қаза болған.

Тағы 37 адам түрлі жарақат алған. Болгария қорғаныс министрінің орынбасары Илко Дмитров Софияда өткен баспасөз мәслихатында болгардың төрт солдаты опат болып, 27-і жараланды деп айтқан. Халықаралық бейбіт күштердің қатарындағы басқа да ұлттардың өкілдерінен қаза тапқандар бар. Шабуыл жасағандар автомобиль бомбаларымен қаруланып, жарылғыш заттармен жабдықталған, олар негізіне қаладағы коалиция күштері орныққан жерлерді көздеп, нысанаға алған.