ВАШИНГТОН: Жексенбі күні арабтардың “Әл-Джазира” телеарнасынан берілген үнтаспадағы үн Усама бин Ладиннің дауысына ұқсайды. АҚШ-тың Орталық барлау басқармасы (ОББ) осылай деп санайды. Бұрынғы Ирақ диктаторы Саддам Хусеиннің ұсталғаны айтылған әлгі үнтаспа - көп дегенде 3 апта бұрын жазылған. Таспадағы үн мұсылмандарды Ирақтағы АҚШ басқыншылығына қарсы күресуге шақырып, АҚШ-пен байланысқан араб елдерінің жетекшілерін сынға алады.
