Иран әл-Қаиданың жауынгерлері деген күдіктпен ұсталған 12 адамды сотқа тартуды жоспарлап отыр.

Швейцариядағы бүкіләлемдік Давос экономикалық форумында Иранның сыртқы істер министрі Камал Хараззи олардың істерін қарау қай күні басталатындығы белгілі емес деген. Ал Вашингтонда АҚШ президенті Дж.Буштың әкімшілігі әл-Қаидамен байланысты деп күдікті ретінде ұсталғандарды сот алдына тартылу үшін Иран өз елдеріне жіберуі керек деп айтқан. Ақ үйдің баспасөз хатшысы Макклеллан әкімшілік Иранның күдіктілерді сотқа тартпақшы жоспарына қарсы болып отыр деген.