Қазақстан кәсіподақтарының Федерациясы Парламент Мәжілісінің депутаттарын “Эйр Қазақстан” ұлттық әуе компаниясының банкрот болуына жол бермеуге үндеуде.

АСТАНА: Қазақстан кәсіподақтарының Федерациясы бүгін Парламент Мәжілісінің депутаттарын “Эйр Қазақстан” ұлттық әуе компаниясының банкрот болуына жол бермеуге үндеуде. Бүгін Мәжілісте ұлттық әуе компаниясының қазіргі қаржылық ахуалы туралы есеп тыңдалмақ. Кәсіподақтар Федерациясы “Эйр Қазақстан” төңірегіндегі қалыптасқан ахуалды мұқият зерттеп, компания қызметкерлерінің еңбек құқықтарының жаппай да өрескел бұзылуына жол бермеуге шақырады.